تکبیرِ اولیٰ دنیا ومافیہا سے بہترہے
🔲 غیر معتبر روایات سلسلہ نمبر 61 🔲
تکبیرِ اولیٰ دنیا ومافیہا سے بہترہے
▪️’’ نبی اکرمﷺ نے فرمایا: تکبیر ِاولی دنیا ومافیہا سے بہترہے‘‘۔
مذکورہ روایت کو علامہ علاؤ الدین کاسانی ؒ نے’’بدائع الصنائع في ترتيب الشرائع‘‘[1] میں مرفوعاً بلاسند اس طرح سے ذکر کی ہے:
’’قال النبي صلى الله عليه وسلم: تكبيرة الافتتاح خير من الدنيا وما فيها‘‘.نبی اکرمﷺ نے فرمایا:تکبیر ِاولیٰ دنیا ومافیہا سے بہترہے۔
✍️ روایت کا حکم
تلاش بسیار کے باوجود یہ روایت سنداً تاحال ہمیں کہیں نہیں ملی، اور جب تک اس کی کوئی معتبر سند نہ ملے اسے آپ ﷺ کے انتساب سے بیان کرنا موقوف رکھا جائے، کیونکہ آپﷺ کی جانب صرف ایسا کلام وواقعہ ہی منسوب کیا جاسکتا ہے جو معتبر سند سے ثابت ہو،
واللہ اعلم۔
▪️اہم فائدہ
واضح رہے کہ صحیح روایت کے مطابق فجر کی دورکعتیں دنیا مافیہا سے بہتر ہیں، چنانچہ امام مسلم ؒ اپنی ’’صحیح ‘‘[2]میں لکھتے ہیں :
’’حدثنا محمد بن عبيد الغُبَرِي، حدثنا أبو عَوَانَة، عن قتادة، عن زرارة بن أوفى، عن سعد بن هشام، عن عائشة، عن النبي صلى الله عليه وسلم قال: ركعتا الفجر خير من الدنيا وما فيها ‘‘.
نبی اکرم ﷺ نے فرمایا: فجر کی دورکعت دنیا اور جو کچھ اس میں ہے اس سے بہتر ہے۔
📚 حوالہ جات
[1] بدائع الصنائع:۱/ ۲۸۶، دار الکتب العلمية – بيروت، ط: ۱۴۰۶ هـ .
[2] الصحيح لمسلم:ص:۲۸۶، رقم:۷۲۵، ت: محمدفؤادعبدالباقی، بیت الأفکارالدولیة – الرياض، ط:۱۴۱۹ هـ .
(غیر معتبر روایات کا فنی جائزہ جلد دوم 398)
〰️〰️〰️〰️〰️〰️〰️〰️〰️〰️〰️〰️
Comments
Post a Comment